【本報訊】九巴早前發生3宗乘客撼爆車門玻璃意外，其中首宗意外雖至今事隔5個多月，但不少乘客對意外仍刻骨銘心，稱乘車時會提高醒覺。乘客何小姐認為意外發生，巴士乘客雙方都有失策地方，但不應把所有責任推到司機身上，「司機顧唔到咁多，自己（乘客）都要識執生。」
5M線彎位多
涉及首宗意外的5M線，下午時分單層巴士經常全車滿座，不少乘客需站立在車廂，由於沿途有不少彎位，車廂內十分搖晃，大部份人都緊握扶手，惟亦有乘客倚靠在車門旁。
乘客盧先生指自己經常乘坐5M，「自己都會小心啲，上車坐喺度就應該扣安全帶，企喺度就盡量握扶手，貼欄杆企。」
另一乘客葉先生則批評九巴把責任推卸於乘客安全意識上，質疑「佢有冇咩警告標語定係教育做過先？」他亦促請九巴應為事件作詳細交代，以免意外再度發生。談到九巴將在門上安裝扶手，他希望九巴可向市民解釋加裝扶手後的實際效用。
■記者紀靜雯