新一屆立法會大戰本周六提名期開始展開，港島區成重頭戲，皆因7席減到6席，建制同泛民唔夠位分，搶票搶到暈。
而建制派嘅爭位戰隨住民建聯Tree根一度傳退黨參選更有睇頭，由勞工界轉戰港島嘅工聯會郭偉強，為免排第二嘅Tree根搶票搶過龍，令工聯會一席不保，梗係要有啲突圍必殺技。之前八方寫過工聯會考慮派出理事長吳秋北上場為郭抬轎，安排似乎成定局，據聞北角啲福建鄉親，已經預咗畀票吳秋北呢位鄉里！吳秋北就話仲未有定案，要14號理事會決定嘅。咁佢個人意願係點呢？佢話唔係睇個人、而係睇有冇需要。觀乎Tree根起勢搶票，睇嚟吳秋北唔落場都唔得。