謝賢（四哥）前日現身中環ifc超市，推住購物車嘅佢，揀咗啲海膽、壽司同沙律，天氣咁熱，凍冰冰嘅食物特別吸引，四哥仲買咗價值490蚊嘅日本夕張蜜瓜，認真識嘆，消暑啱晒。大約逛咗十幾分鐘之後，四哥就排隊畀錢。不過離開商場時，四哥好似唔多熟路咁，行錯另一個方向，行行吓發覺唔對路，最後要問保安員點行先搵到正確方向。