由台灣藝人黃湘怡於2007年創辦嘅Black As Chocolate（BAC）舊年底來港開業，並於銅鑼灣與九龍城齊開兩舖，風頭一時無兩，唔少飲食雜誌都有報道，但半年未夠，兩間舖已經先後結業。
據地產代理所講，BAC喺銅鑼灣蘭芳道嘅地舖，本來租至明年底，約於今年4月提早退租，此舖業主仲係美聯（1200）老闆黃建業仍在放租。至於九龍城衙前圍道舖，亦係兩年租約，不過最近亦關門大吉，招牌仲未拆，大閘貼滿招租廣告。
BAC一直標榜受台灣明星熱捧，藝人楊丞琳、林依晨、陳妍希都係粉絲，喺台灣甚具人氣，香港分店一個蛋糕盛惠大約400元。市場人士估計，香港本身有好多不同品牌嘅糕餅店，加上家陣零售消費市道欠佳，唔排除BAC水土不服，或者變陣。