即將代表民主黨參加「超級區議會」選舉嘅元朗區議員鄺俊宇，向來係文青。除咗出版愛情小說，原來都會製作微電影。最新名為《世代》以「小時候」為主題嘅微電影就由佢編劇、Frankie Lam執導，配樂則係佢自己作曲嘅《幸福再遇》，旁白當然由佢親自演繹。
為咗拍攝出90年代嘅感覺，鄺俊宇搵嚟大家那些年都玩過同見過嘅GameBoy、紅白機同舊式電視出鏡，仲特別穿梭舊公屋等地拍攝，重溫舊時的氣味，鄺俊宇自己仲覺得飾演「童年鄺俊宇」嘅男仔同佢神髓好似。
查實鄺俊宇係想透過《世代》，以「鄺俊宇mode」講政治，帶出「我們會好好守住這頭家」嘅信念，「一雙手，一支筆，十年從政」，鄺俊宇話喎，「改寫時代，從新世代開始」，唔知打唔打動到大家嘅歡心？