吳卓羲、李幸倪（Gin）等噚日喺鑽石山出席「麥當勞叔叔之家慈善基金」義賣開售日活動。自由身一年嘅吳卓羲話：「暫時唔會簽公司，同經理人籌備緊工作室，想拍多啲電影。我同楊怡同一個經理人，希望一齊合作，之後會一齊去雲頂登台。」感情方面，他表示空白一片。另外，Gin嘅「倪」字被當眾錯讀做「兒」字，佢話有啲尷尬，不過已經習慣。