夏日熱辣辣，又是出動短褲、比堅尼的好時候，但如果有橙皮紋可以點好？網上不時流傳消滅橙皮紋方法，例如做磨砂、多搽cream等等，但唔好意思，原來這些方法統統都冇用，因為橙皮紋係冇得徹底消滅！（想哭）
「因為我們皮下脂肪肥大影響了周邊的纖維組織，因為拉扯緊要形成了這些凹凸不平的紋理，這些就是橙皮紋。」皮膚科林嘉雯解釋。由於橙皮紋的成因主要是遺傳和一些荷爾蒙變化引起，即使是瘦人都會有，而且很難徹底消滅。「橙皮紋是一些皮下脂肪的問題，你做磨砂或者搽Cream，只可以影響表面角質，所以對舒緩橙皮紋沒有幫助。」林醫生說。簡單嚟講，即係冇得搞，睇到呢度相信九成女仔都會想喊。但除咗喊同收起長腿，係咪真係冇辦法呀醫生？
「其實有點方法我們可以暫時性舒緩，首先就是控制體重，體形結實點橙皮紋看上去就會沒那麼明顯。」另外多按摩都可以暫時性令我們皮膚的新陳代謝加快，可以帶走當中的水份。雖然冇得徹底消滅，但唔使太灰，都有方法拎啲紋冇咁明顯－－郁吓啦絲打們。
記者：陳倢
攝影：鄧鴻欣
想輕輕鬆鬆健康?，記住留意健康蘋台
http://health.appledaily.com.hk/