【本報訊】17歲的姚凱傑患有先天性侏儒症，身高比正常人矮三成，自小不斷出入醫院，兩年前做了一個「15cm的決定」，進行為期一年的肢體延長手術療程，將小腿及大腿合共延長15厘米，徹底改變其人生，給予了「第二生命」，更自言身體上的缺陷，反而令心靈更堅定。
「缺陷令心靈強大」
凱傑自小飽受歧視，「矮冬瓜」等花名不絕於耳，身高的差距曾令他自卑。兩年前，凱傑決定住院及停學一年，「呢個手術決定徹底改變咗我，雖然我嘅身高只能增加15cm，對其他人而言微不足道，但15cm對我而言並唔容易」。手術期間，凱傑要承受肌肉拉扯及支架針刺進皮膚及骨的痛楚。不過，增高至145厘米這個成果是無價。
凱傑自小五已懂得處理旁人的閒言閒語，「把口生喺人哋度，唔使介懷，人哋講都只係一剎那嘅事，做自己得㗎喇。你要證明畀人睇，身體上有缺陷，但心靈上比人哋強大」，又認為先天的缺陷是祝福，「我覺得如果冇咗呢個病，我會冇咗面對逆境嘅堅強，只會係普普通通嘅人，亦唔會有成績上嘅優異同作文上嘅潛能」。
■記者梁佩珊
