游乃海跟隨杜Sir逾20年，學到拍攝技巧外，也領悟到人生觀和價值觀。記者分別問了兩人幾條問題，測試兩師徒的默契。
杜：杜琪峯
游：游乃海
問題1：杜Sir最滿意嘅作品係？
杜：我最鍾意《柔道龍虎榜》，戲有好多自己嘅情懷。
游：《柔道龍虎榜》。【對】
問題2：游乃海最滿意嘅作品係？
杜：《跟蹤》啦，好又唔算得好，以佢當時第一部電影嚟講，算唔錯。【錯】
游：未有，經常重睇舊作，永遠都覺得自己做錯，永遠覺得可以好啲。
問題3：最欣賞游乃海啲乜？
杜：死𦧲，佢唔會放棄，即使時間幾倉卒，佢都會繼續做好件事。【對】
游：唔走，死都留低，鬧完又喺度。
問題4：游乃海最想拍乜嘢題材？
杜：警匪片，不過可能唔同角度。【對】
游：警匪、罪案、犯罪，基本上細個已好鍾意呢啲戲。
問題5：杜Sir唔拍戲會做邊一個職業？
杜：我諗都冇諗過，如果你問我，我會比較鍾意機械嘅嘢，整車嗰啲。
游：做演員，佢經常話想做演員，想做男主角。【錯】
問題6：杜Sir覺得自己難相處嗎？
杜：我唔算，我唔算好難相處。
游：佢梗係啦，佢有時有脾氣，自己急起上嚟，或者壓力大呀！【錯】
