近年中一適齡學生人數不斷減少，今年創新低，得4萬幾人，為保唔會被殺校，老師都好似經紀咁拉客搶學生，仲sell準時返學有車船津貼。教育局局長吳克儉就話，見到有老師升中派位日喺分區辦事處接觸學生，「呢方面係特別多謝老師同學校。」咁樣主動、外展式接觸學生，有助學生更加了解學校喎！
教協會長馮偉華聽完就鬧爆︰「老師四出咁去頻撲，去搶學生，就係為咗唔想間學校被殺，估唔到佢完全睇唔到呢個問題，完全唔知民間疾苦，如果老師聽到真係一肚子氣。」馮仲話︰「老師要拋頭露臉咁搶學生係業界嘅悲哀，應該從結構上解決問題，而唔係坐喺度講風涼話。」