新同盟范國威噚日係內務委員會提出，要喺7月13日立法會大會就高鐵香港段列車安全事宜提出緊急口頭質詢，原本以為呢個動議過唔到，點知最後神奇地過咗！原來關鍵係經民聯金融服務界張華峰投咗支持票，一度令泛民以張華峰投錯票，但張華峰澄清冇件咁嘅事，佢係真心支持范國威嘅！其實泛民咁諗完全唔出奇，因為會上民建聯議員葉國謙就話唔贊成范動議，咁即係建制派反對，到最終投票時，泛民見到「怪醫」梁家騮支持，仲有張華峰都支持，令動議意外獲得通過，開心到興奮拍枱慶祝。
不過張華峰會後被問是否投錯票，就反問點解會覺佢㩒錯掣先？強調自己係支持范動議，冇投錯票，佢只係唔想香港高鐵又再出問題！