身兼青年事務委員會主席嘅Package男神劉鳴煒，近期好似回歸沉寂，但原來悄悄出動，日前到荃灣一間工廠大廈實習，體驗年輕人嘅創業路。
劉鳴煒喺幾百呎「麥子啤酒」工場學整啤酒，咪以為好簡單，磨麥、煲酒、搬酒、貼label、整宣傳道具同倒垃圾（圖）都要做埋，最終磨咗20公斤麥，煲咗兩桶酒，搬咗7箱啤酒同貼咗168支啤酒label。
由於廚房比較窄，仲放咗鐵桶同酒樽，所以劉鳴煒話煲酒時要企喺膠凳上，同時又要小心頭頂鐵柱撞親，又要計時間同度水溫，體力同細心都要兼備。短短一個下午實習時間，佢話體會到三位創業者嘅甜酸苦辣，亦感受到港青嘅創意、耐力、堅持同勇氣。