麗新集團主席林建岳又有新食店開張，旗下中菜館「唐人館」今夏喺海港城開第三間分店，唐英年同葉澍堃等齊齊捧老友場兼分享食經（圖）。
話說行政總廚歐國強即席介紹鮑魚鴨蛋燒賣、少爺豬扒飯同話梅蝦等菜式，唐唐一聽就話最鍾意話梅蝦，話花雕夾話梅，吊出蝦嘅鮮味，加上佢怕麻煩唔鍾意剝蝦，所以見歐師傅將蝦剝殼後仍有頭有尾，就大讚厲害。唐唐話中菜若要配酒，除咗法國酒，佢會揀屬Burgundy嘅Pinot Noir。
前高官葉澍堃就話鍾意少爺豬扒飯，原來少爺豬係日本種、約40日大，生長環境有一定要求，肉質啱啱成熟，油份亦恰到好處，唔太肥唔太瘦，難怪大蛇葉like爆！