【本報訊】於其中一間四大行任職、facebook專頁「審計搵丁」負責人接受本報訪問時表示，畢馬威（KPMG）過去於金融服務核數業務方面很強，堪稱全行第一。不過近年流失不少大客，失去滙控（005）更是致命傷，因此最近的裁員傳聞亦以此業務員工為主。
他表示，滙控換走KPMG主要與近年其協助洗錢案有關，表面理由是KPMG作為核數師也未能發現問題，因此被視為失職。不過相信這其實只是姿態上的需要：「佢要畀人睇到，我係有努力改善compliance，我連核數師都轉埋，做咗嘢啦。」事實上，除滙控外，KPMG亦已失去恒生、中信、光大證券、瑞信、永隆等大客。
他亦指，近幾年只有KPMG炒人，而羅兵咸永道（PwC）接收了不少KPMG客，去年底已招聘不少人手。另外三大行生意問題不大，因為對行業前景不太擔心。
至於審計費用方面，他表示一般如果公司續約，只會加幾個百分點，「大公司經濟好定差你都要搵Big 4，你搵邊間都冇咩分別，所以好多時轉firm，都係因為人哋收得平」。他表示轉核數師，往往都會劈價兩至三成，但都有錢賺，解釋了為何核數師經常要通宵工作，「佢唔剝削你，圍唔到條數」。