牛仔褲令人又愛又恨，啱身的話可以好好睇，肥少少瘦少少闊咗窄咗已經令人好燥，幾個小tricks解決牛仔褲唔啱身問題，唔使買埋一堆牛仔褲响屋企唔知點算好。
1.火車未到站
牛仔褲質地硬，拉鏈容易滑落，加個鎖鑰圈扣著拉鏈，鈎著鈕再扣上一定唔會再滑落。
2. 褲管太窄
啱啱洗完嘅牛仔褲會硬身好多，噴少少暖水响褲頭和褲管再向橫拉，牛仔褲自然變返有彈性。
3. 褲頭太鬆
响褲頭鈕扣位兩邊𠝹開小口，穿入橡筋直至橡筋在另一邊拉出，穿上牛仔褲度好尺寸，剪去多餘橡筋再縫好，牛仔褲褲頭自然變得啱身且有彈身。
4. 短褲褲管窄
剪開兩邊向外大腿位，鏠上一塊有彈性的蕾絲布，褲會變得有彈性兼sexy！
5. 成條唔啱著！
都唔使掉住，臀部位的兩個袋可以剪出來鈎住叉電器和電話充電；褲管剪出來縫好剪口，可以做酒袋，加些裝飾仲可當禮物送俾朋友㖭！
記者：容慧心
