港視（1137）電視劇《選戰》「續集」啱啱由主席「魔童」王維基（Ricky）揭開，公佈參加港島區立法會選舉，噚日就比讀者影到，佢喺港島香格里拉酒店同紅顏知己香港總商會總裁袁莎妮（Shirley）「撐枱腳」食甜品，唔知係咪為咗公佈參選慶祝呢？
早喺2012年，Ricky宣佈以50億元出售電訊業務後，亦都係第一時間同Shirley去大坑食甜品，當時比記者影到兩人「撐枱腳」後，Ricky仲送開車送人返屋企。
其實已婚嘅Ricky身邊一直唔少紅顏知己，除左Shirley之外，助理鄭蔚藍（Hazel）亦被影到同Ricky去睇戲，早前七一遊行亦都係同Hazel一齊行。
Ricky喺開始呢場選戰之前一早自動引爆婚姻問題，話會「恰當地處理婚姻狀態」，似乎早為身邊緋聞「消毒」，以減少之後嘅炒作。