香港人個個工時長，有幾可放工仲有時間去買菜煮飯仔？如果你決定周末買晒一個星期嘅蔬果份量，又怕佢哋「唔等得」的話，不妨試試以下三招，延長各位菜菜子嘅壽命，最長有機會達一星期。
一、蘋果+薯仔更耐放
發芽薯仔不適合食用，偏偏放不夠幾天它們便會長芽，要保存薯仔，可以把蘋果放在薯仔堆中，因為蘋果會釋出乙烯（ethylene gas），雖然乙烯係其他生果的催熟劑，但卻可以延緩薯仔芽發育。另外，亦可以煲一大煲滾水淋薯仔，淋完再風乾保存，熱水可抑制令薯仔發芽的酶的活性，令薯仔沒那麼容易發芽。
二、鋪廚房紙保蔬菜新鮮
買回家的菜經常吃不完，放兩日又會爛掉，原來都係倒汗水的錯。放入雪櫃前，先用廚房紙包裹菜，或在保鮮袋上鋪一層廚房紙，便可吸走水份，減慢它們變壞速度。
三、牛油果+洋葱防氧化
唔少人愛吃牛油果，但切開後，受果肉中的多酚氧化酶（polyphenol oxidase）影響，果肉容易氧化變啡。解決方法是在保鮮盒內放切開的洋葱，洋葱含槲黃素（quercetin），有抗氧化功用。記者試過，牛油果不會沾到洋葱味道，以後不用每次都吃下一整個牛油果了。
記者：黃樂雯