上周五頭場新馬賽，東廐的「巴基之星」表現一鳴驚人，近日成為城中熱話。告東尼表示，最初看到「巴基之星」出閘大墮後，其實有點擔心，他一度憂慮馬兒被要求試閘合格方可出賽，怎料牠末段快到21秒22後上贏馬，令他都嚇了一跳。
告仔仲大爆「巴基之星」是「大食仔」，通常馬匹跑完後，翌日食料兜一定有剩料，但此馬出賽翌日可以食晒啲料。另外，呢匹馬性格其實好乖好聽話，性能上，牠不是短途馬，是正宗一哩馬。
至於唔少人幫「巴基之星」改名為「新一代『翠河』」，告仔笑說：「又冇咁誇張，佢係一匹好馬，但話佢係第二隻『翠河』，言之過早，睇多幾場先講啦！」大家就拭目以待，究竟「巴基之星」是否成為告仔另一匹馬王！