有離地中年問我，七一晚中聯辦外，點解會「流會」。他有一套睇法：
一，勇武派搵唔到衣櫃裏的black bloc。一定係俾佢個藍絲阿爸丟晒去回收箱。
二，勇武派唔係「香港仔」而係北區地膽，被的士司機點咗去禮賓府。衝完一輪食埋噴椒才google到，個location唔係西環。
三，準備晒口罩的後生仔好有立場，唔like西環啲魚蛋，跟MK無得比嘛。
四，青年團體號稱吹雞二千黑衣人出席，但fb反應冷淡，響應用telegram的獨派唔多，吹唔熱。
五，大學生見林榮基都驚驚，怕女朋友擔心喲，甩底事小，甩拖事大啊。
六，經濟麻麻，大學生謀定後路，勇武，可以講唔方便做，將來投考警隊的話，個file花硬。
七，後生仔，邊會同你認真「佔中」，傻的嗎！
八，以為國師帶頭殺去西營盤的後生仔，唔想搶光環，焗住宅喺屋企睇波。點知……點人數，真．流會！