英國人民公投決定脫歐後（雖無人知會拖到何時才會「真脫」），全球金融市場大亂，各地市場更出現不少異象，如股市與債息齊升；明明是經濟前景欠佳，商品價格（特別是內地）卻不斷反常攀升。香港異象則首選恒指，於震盪全球的英國脫歐事件後，恒指居然可以高過未脫歐前水平！
有基金朋友跟密西比說，恒指於英國脫歐後表現可用兩個字形容，就是「高追」。他說：「聽落好似好怪，基金居然喺一個影響深遠兼超級壞嘅消息後，決定高追，仲要係高追到高過壞消息出之前，唔通真係博壞消息出盡咩！實情係今次高追，係被迫要追嘅。」
被迫「高追」？他續稱：「要解釋呢個現象，就講番喺脫歐公投前，原本啲long equity fund為咗保險啲，都減持咗唔少股份，殊不知脫歐陣營雖然贏咗公投，但個市只係跌咗一日咁大把，搞到啲有持股水平限制嘅long equity fund，要好狼狽咁高追之前平賣咗嘅股票，咪搞到個市被動地再創新高囉。」
原來如此，後市如何？他說：「有貨者繼續派貨。」危險。
密西比