旅行人有三急好正常，酒店、博物館等地方的廁所通常與香港也不會太大差別，最麻煩是公廁，各處鄉村各處例，像是第一次去日本的朋友都會覺得電動廁所板很神奇，因為會噴水幫你洗Pat Pat，簡直就是走在潮流尖端。
戰鬥民族俄羅斯又怎樣呢？原來部分公廁是需要付費的，大大個服務員坐係廁所門口，畀咗錢先可以入去方便，想走數無咁容易。歐洲如英國、法國等地便先進一些，部分公廁是投幣式，一個銀仔就會自己打開門，成件事型好多。其實如果唔想畀錢去公廁仲有個辦法，就是用開放式尿兜，不過大街大巷去廁所，你又敢唔敢呢？開放式公廁其實仲可以好潮，點潮法，就是由地面升起，不過都係嗰句，大街大巷去廁所真係唔係人人敢。
公廁可以唔同，原來連馬桶都可以有不同。德國的馬桶驟眼與一般的沒大不同，細心看就會發現，去水位上面多了一塊板，目的是防止物件掉進馬桶內，呢個設計又幾聰明喎！
如果唔想畀錢去廁所，又或者去奇怪公廁，最好當然在酒店、博物館、餐廳等地方先行方便，始終這類地方的洗手間會較適合遊客，唔洗驚！
記者：容逸富
資料來源：huffington post
