效力阿仙奴嘅英格蘭中場韋舒亞 （小圖）日前將喺浴室做引體上升嘅相上載到社交網站，仲話喺歐國盃嘅失敗經歷已經係過去式，家陣要做嘅就係操「弗」自己迎接下月展開嘅新球季。韋舒亞向來係講就天下無敵、做就有心冇力嘅球員，咁得閒喺社交網站騷肌肉同埋講埋啲廢話，不如認認真真練習好過啦。仲有就係，佢想做引體上升就應該正正經經去健身房做，家陣喺浴室做真係好危險，萬一啲玻璃爆咗隨時割傷手手腳腳，睇嚟阿仙奴領隊雲格要好好教吓佢至得。