周三晚乃谷草最後一擊，周日(7月10日)沙田則跑馬季煞科戰。至於下季方面，馬會增加五個賽馬天，故有不少馬迷推測，會否把開鑼日提早一點舉行呢？
但答案是「不會」的，事關馬會鐵定新馬季於九月三日星期六開鑼，故今夏唞暑期實際不足兩個月。
唔少馬迷可能奇怪，根據過往慣例，馬季都會在星期日開鑼，點解2016至17馬季開鑼會在九月三日星期六上演呢？原來立法會選舉定於九月四日舉行，馬會為了避開立法會選舉，所以提早一天在九月三日星期六開鑼，避免市民分心。
另外，早前行政會議已通過，馬會下季增加五個賽馬日及八個轉播海外賽馬日，即代表下季賽馬日增至八十八次，而轉播海外賽馬日增至二十三次。而今季沙田一日偶有11場賽事；谷草則有九場賽事。但隨著下季本地賽事日數增加，馬會為了確保有足夠馬匹數目去應付繁多的賽事，到時這種情況將減少。