哥迪奧拿真識食，啱啱嚟曼城返工，就識得去當地中菜名店「天外天」搵食。英國傳媒影到佢禮拜一夜晚約埋朋友去食，唔知啲餸啱唔啱佢口味呢？話時話，呢間中菜都好受曼市球壇中人歡迎，雲高爾同比歷連尼兩位曼市雙雄前領隊都係常客，其中雲高爾更加試過高調咁話，贏波先會出街食飯慶祝，之後終於贏到波，就係去呢度食中餐。球員方面，朗尼都係捧場客；話唔定聽日就輪到摩連奴去食都唔定。假如哥迪奧拿同摩連奴喺入面撞到，唔知又會點呢？