意大利喺歐國盃八強出局，教練干地同埋球員大軍已經喺周日飛返米蘭，依然受到熱烈歡迎，不過唔知班球迷會唔會惟獨唔歡迎施蒙尼沙薩。呢位祖雲達斯前鋒喺輸俾德國場八強戰，加時完場前幾秒入替，喺互射12碼以「騎呢鴨仔步」助跑射失。沙薩仲死撐回應話：「我不嬲都係咁射12碼，仲周時入到；當時紐亞已經畀我搞到捉錯路，可惜係射高咗少少。當然，我要為令到球迷失望致歉，我射失咗有生以嚟最重要嘅12碼，真係抱憾終生。」