老店貴租下越嚟越難做得住，香港嘅真正本土味道，唔知第時仲有冇機會品嚐到？公民黨陳淑莊Tanya早前落區順道幫趁老店食好西，重拾昔日情懷。
其中一間令到佢口水朵朵帝嘅老店，係西環嘅卓越食品餅店，係一間中國傳統餅食店。佢話早前路過時忍唔住口又幫襯（圖）；而佢喺呢間老舖嘅處女獻身，已經係十幾年前嘅事，佢話廿幾卅歲從老家北角搬出嚟住時，最先落腳就係西環、上環海味街呢頭。雖則Tanya身形咁fit，但查實佢好為食，周不時落街行咇，又點會放過呢啲馳名美食？仲推介棋子餅、迷你缽仔糕……諗起就肚餓嘞。正如Tanya喺fb嘅hashtag，#卓越唔只係化粧品。