【拆 局】
前財政司長梁錦松與「教育2.1」小組成員公佈教育改革建議，外界始終最關注他會否參選下屆特首。有政界中人稱，隨着政務司長林鄭月娥及曾俊華疑似備選特首，梁早已打消出選念頭，但仍想爭取在下屆政府中扮演一定政治角色，故由教育作切入點，相信可爭取中央及市民關注。
董建華2014年牽頭成立團結香港基金，已找來梁錦松「出山」任顧問，政界盛傳董想捧梁做下屆特首，有政界中人指，「當時連一班梁粉都覺得，阿董係有心捧梁出嚟取代梁振英」；及至2015年梁錦松接受傳媒訪問時談及選特首，只稱「交由上帝安排」，戰意似乎大減。
有與梁友好人士對該政界中人稱說，「佢（梁錦松）知自己冇機會（選特首）」，但梁的友好稱，梁仍希望可在教育問題上，對下屆政府有影響力，「就算選唔成特首，佢覺得仲可以喺教育改革上，爭取一個角色同影響力」，「佢唔會咁快喺教育、政治上收山，反而會更積極發揮影響力」。
■記者莫劍弦