威爾斯作為英倫三島唯一一隊打入歐國盃四強嘅球隊，相信唔少球迷，都希望佢哋可以喺周三對葡萄牙嘅準決賽贏波，殺入決賽創造奇蹟。不過，英格蘭籍球證卡頓保就未必咁諗喇！為咗避嫌，歐國盃決賽嘅執法球證唔可以同出賽隊伍係相同國籍，而歐國盃賽會就覺得：「反正威爾斯同英格蘭咪又係英國人，唔使分得咁仔細啦！」所以如果威爾斯打入決賽嘅話，卡頓保就冇得喺下周日嘅決賽執法囉！