金像名導米高契敏奴離世，圈中人紛紛哀悼，彭浩翔昨在電話中表示：「《獵鹿者》係佢當時嘅事業高峯，但我覺得佢後來嘅《天堂之門》係用咗更長時間去拍，野心好大，拍一段鮮為人知嘅美國內戰，雖然口碑同票房都失利，但後世人反而有繼續去認識呢部戲，好多評論講近代十部被低估電影中，呢部戲係重要一部，佢嘅離世肯定係國際影壇嘅損失。」
《寒戰》系列導演陸劍青亦對米高十分欣賞，他表示：「我好鍾意《獵鹿者》同《龍年》，後來佢拍完《天堂之門》就好少有新作品，佢拍呢部戲野心大咗啲，無論點都好，佢係一位我欣賞導演之一。」張同祖昨謂：「印象最深係《獵鹿者》，之後《天堂之門》劣評同好多負面新聞有關，加上年輕電影興起，唔關導演技巧，只可以講係timing問題。」
採訪：鍾國仁