郭思琳與何紫綸前晚在中環出席慈善活動,有指ViuTV於下月再有格鬥比賽,郭思琳稱未收到通知:「好似計劃喺10月,8月唔係我,唔知資料未落實。」早前模媽余曉彤(Hidy)表示新一季想挑戰她與龍小菌,郭思琳說:「有聽到佢咁講,佢最想挑戰最強嘅唐紫睿(Hazel),都有興趣同Hidy打,好多人讚佢身手敏捷,唔會因為同佢熟而留力,如果真係打傷人,相信對方明白係因為比賽,唔係有心。」
另外,郭思琳透露搬屋訓練獨立,問她會否考慮與男友住?她說:「唔會,搬出嚟住都係想多啲私隱,想專心工作。」何紫綸透露忙調理身體準備生B。
採訪:王連連
攝影:陳慧安