運動型藍牙耳機，可以話做運動人士之恩物，邊跑步邊聽歌，的確人生樂事，最近有款Anker SoundBuds Sport新到場，值得留意。
機身行防水防雨設計，使用藍牙4.0作配對，內置IPX4防濺、防汗，整體功能尚算到位；聲效比較偏向重低音設計，所以聽POP類音樂最啱。
老實說，試聽感覺只可以用中規中舉來形容！到這裏你可能會問，最打動人之處在哪？簡單講是價錢！新機落場價$229，這個價位的運動形藍牙耳機，只可以買到品質飄忽、非常易壞的國產牌子；稍為中檔次的同類產品，可是要由近$600起跳的。如果買SoundBuds Sport來「粗用」，又或好似記者般，做運動時對音效要求一般的用家，可能幾合用。
須知Anker原本是美國品牌，早年亦曾出過車用藍牙耳機，雖然這個價位的產品，冇可能是美國製造的來佬貨，不過購買後有18個月香港代理的保修，用起來亦放心好多。
記者、攝影：朱崇德