兩年一度嘅法國波爾多葡萄酒節喺上月23至26號舉行，香港再次成為10個榮譽城市之一，仲係亞洲唯一獲邀嘅城市。旅發局主席林建岳同商務及經濟發展局常任秘書長容偉雄帶咗幾個大廚同年輕藝術家宣傳香港。
香港館用「中×西」做主題，喺加隆河（La Garonne）旁邊用傳統竹棚技術搭咗個7米高嘅紅色大戲棚，定時有大戲同水袖踢躂舞表演，加埋美食，吸引咗成65萬人入場。
「廚魔」鵝肝配竹葉青
米芝蓮三星餐廳廚魔Bo Innovation嘅廚師Alvin Leung仲喺午宴露兩手，一道燒鵝肝配竹葉青酒等令當地市長同嘉賓驚喜莫名。岳少仲乘機邀請Lafite Rothschild、Mouton Rothschild酒莊出席10月香港美酒佳餚巡禮，到時大家又有機會嘆靚酒！