仲有兩個禮拜就生得嘅靚媽關心妍（Jade），「小公主」預產期喺七月中。之前呢位準媽咪心情好食唔停，不過醫生就話佢係高齡孕婦，容易患上妊娠糖尿。為咗自己同bb着想，阿Jade惟有控制食量同體重，首次陀B嘅佢，就話仲慘過開騷。
除咗做窩心媽咪，Jade其實亦係一個貼心嘅狗狗主人，昨日Jade隻愛犬Butter生日，陀住巨肚嘅Jade專登走入廚房，親自泡製homemade蛋糕俾狗狗食，仲將整蛋糕嘅短片放上instagram。
喺短片中，Jade就話：「自從我陀B後，Butter就一直呷醋，o依家仲有兩個禮拜就生，Butter已經唔啋我。今日係佢生日，所以我就偷偷整個生日蛋糕，同佢慶祝。」