屬於大家嘅蒼井空，深夜會做啲咩呢？大家又唔使諗得太深入，其實佢同一班鍾意足球嘅朋友一樣，係會睇波嘅。
昨日早上蒼井空就喺微博貼咗張素顏相，影住自己同電視機，佢話：「我現在看足球歐洲盃。現在在日本已經馬上7點啊！意大利vs德國。馬上開始PK。好困。。。」呢場德意大戰連埋加時打咗成兩個鐘，要射12碼分勝負，蒼井空捱住眼瞓睇波，真係充滿熱情。
最終德國喺第九輪先贏到意大利，呢個時候香港時間都差唔多朝早6點，蒼老師又再留言話：「啊〜有意思！意大利也很好！但德國厲害！今天的比賽很好看！！我...晚安！」唔知蒼老師會唔會再喺一班fans嘅心目中再一次加分呢？