英格蘭國家隊領隊一職仲係懸空，英足總原本想搵修夫基頂住先又食檸檬，真係唔知點算；好在仲有人念舊諗住幫吓手。曾經帶領英格蘭出戰98年世盃嘅前領隊荷杜（圖），表態話好願意坐低傾吓翻兜再教嘅可能性：「我相信足總會物色最適當嘅人選。如果佢哋搵我，我會義不容辭答應，係英格蘭人都應該想做呢份工。」另一位前英格蘭領隊艾歷臣，一樣話有興趣再做英軍主帥。