蒙古郡主——塔塔兒．木華黎(姓氏)代蓮曦丹美(名字)(Daisy)近日入圍港姐，由於自爆有蒙古血統，早前傳過代蓮曦丹美係德蒙混血兒，擁有42吋長腿，成為焦點，大前日上晝10點喺屋企落樓，搭一個站地鐵返港大。
有讀者就爆代蓮曦丹美阿爺係蒙古貴族，全家移民咗去德國，不過睇番2011年海南嘅報道，原來佢係海南高考生，全省高考獲731分（滿分810分），成功嚟香港讀大學，目前讀緊港大教育系碩士課程，當時資料指，「代蓮曦丹美是蒙古族姑娘，祖籍內蒙古，因父母在海南工作，她從小在海南讀書，畢業於海南國科園實驗學校」，算係大陸高材生。
除咗叻女之外，代蓮曦丹美都好靚女，不過前日有讀者報料，就俾咗幾張代蓮曦丹美讀書時代嘅相，睇相真係有幾分相似，真係女大十八變，依家就真係又靚又叻女喇。