政務司司長林鄭月娥日前出席一個論壇時，大談香港願景疑似發表參選政綱咁，入閘選特首呼聲越嚟越高；至於另一位特首黑馬曾俊華都不甘示弱，「鍵盤戰士」上身狂冧年輕人，唔知邊個會較獲歡心？
話說鬍鬚曾喺新一篇網誌重提小鳳姐嘅《隨想曲》歌詞，「渴望是心中富有，名和利不刻意追求」，話前年預算案演辭都以呢句形容港人，驚嘆呢首82年嘅歌詞，卅幾年後都準確描寫呢一代年輕人。
點解有感觸？鬍鬚曾話早前到深水埗參與「香港社會創投基金」（SVhk）嘅「新居」即係Sonova Studio社創中心開幕，睇見年輕人以不同形式社企實現理想、改變世界，令佢再想起「心中富有」歌詞，「能夠分享年輕人的熱血與熱情，我對香港的未來也更加有信心」。