求驗客手記：
迪帥拒與聖卡斯講再見

西班牙衞冕失敗，教練迪保斯基同門將卡斯拿斯都離開國家隊，不過睇嚟兩人以後都會面阻阻；原來迪帥今屆決定起用迪基亞把關，將卡斯拿斯貶為後備，「聖卡斯」唔多老黎，周不時搵教練團開火，迪保斯基比賽期間都仲忍吓你，16強止步後仲使買你怕咩；據報迪保斯基向每位球員都發道別短訊，惟獨卡斯拿斯冇份，講真卡斯拿斯彈起，都多得當時皇馬教練迪帥，你唔感恩都不但止，仲要發老脾，難怪咁多年師徒情緣盡嘞。