英格蘭國家隊領隊呢個燙手山芋，雖然好多教頭都耍手擰頭，但前巴西、葡萄牙國家隊教練兼現時廣州恒大教練史高拉利（圖），日前就表現到好有興趣執教。一般估計「大菲」俾英足總睇中嘅機會唔大，但據報恒大已經為大菲可能離隊做好部署，打算請荷蘭名帥軒迪克嚟教！據講恒大領導層一向好欣賞軒迪克，早喺2012年已經向佢招手，不過就被拒絕；但今時唔同往日，軒迪克𠵱家冇執教任何球隊，隨時可能俾恒大嘅誠意打動。