隔牆有耳：
熱褲女將　露腿散熱 - 李八方

天公造美，噚日熱就熱咗啲，但至少冇乜落雨，至於散熱方法，政界靚女梗係有辦法！
八方見到，港姐出身嘅人民力量主席袁彌明同鍵盤戰線嘅「滑鼠娘娘」鄺頌晴，噚日都熱褲上陣，兩對美腿喺沿途都好吸睛，而佢哋都非常落力。前者喺人力「敢抗命、堅抗爭」橫額下嘅街站瞓身叫喊，當然內容都係關於689要下台啦。

露腿兼露埋小蠻腰嘅「滑鼠娘娘」亦有企喺梯級叫賣，佢哋今次7.1會發售tote bag套裝，內有「拒絕搜查」膠貼、資料防漏安全卡套同《網絡自由宣言——全文印刷版》等，相信娘娘坐鎮下銷情唔錯啩！