等咗好耐的小米手環2，香港今個星期終於正式到貨！
不過買開小米產品的都知，唔會咁「順攤」將新產品賣到大家手上；香港官網定價平開$199，不過據先達好多舖頭講，到他們手上時已經被炒高至$350了！賣街價都唔算太過份，只是稍為提升至$380。
如果論功能，以$199的官價，的確是非常抵玩，錶身內置心率監測、來電/短訊通知、運動計步、睡眠監測、久坐提醒、來電提醒、屏幕解鎖及振動鬧鐘等等；另外今次二代目還新加入了OLED顯示屏，而且還好體貼地採用觸控設計，所以在使用上感覺更獨立、清晰；再加上錶身配置有IP67防水防塵，的確是一件「性價比」頗高的產品。
不過現實是大家要捱$380的炒價！會維持多久？暫時未知，因為去貨情況頗速，加上來貨量非常少，據知好些舖頭還一錶難求。個人來說會保持觀望態度，因為以小米過往的營銷策略，大概個零月後，會開始多貨派街，錶價有機會回落，第一水的炒價錶，就留返「心急人」們搶吧！
查詢：流動帝國（旺角先達廣場地下G67號舖）
記者、攝影：朱崇德