作為衰仔衰女的你，有冇一刻曾經覺得父母令你尷尬？他們做過的事，又有無好似以下呢個爸爸咁爆？美國華盛頓一名任職喜劇演員的爸爸Chris Martin，近日就在網上上載了幾張令女兒Cassie尷尬不已的相片。這幾張相是Chris的自拍照，但全都是參照女兒的selfie影的，無論係衣着、表情定姿勢都幾乎一模一樣：女兒相片上展示了紋身，Chris就用墨水筆在自己身上同一位置畫個老翻的；女兒穿吊帶低胸小背心，他就穿件麻甩佬最愛的背心底衫，心口位仲要有咁低拉到咁低；最頂癮的是，Chris還模仿女兒畫上粗眼線，再學女兒露出含羞答答的笑容。Cassie見到爸爸在網上post啲咁嘅相，都忍唔住在hasgtag講了幾句粗口。係就係尷尬咗啲，但其實爸爸咁風趣幽默，都幾好吖。
圖片來源：therealburrmartin@IG
記者：黃子配
