這年頭，集體回憶最有共鳴，麥當勞玩具陪伴幾代人成長，當年推出的玩具你又記得幾多呢？太古城中心正舉行「麥當勞玩具樂園」展覽，展出逾千件經典玩具！
回憶是一陣溫馨，來到現場立即被大型立體蘋果樹及火車頭裝置所吸引，重現昔日餐廳內的場景，同場還有小飛飛、麥當勞叔叔、滑嘟嘟、漢堡神偷、薯條脆卜卜等模型，又的確好難忍手唔同佢地影張selfie！當然勾起大家回憶的，又怎少得玩具呢？小丸子、比卡超、海賊王以及迪士尼系列等應有盡有，1998年推出的「史諾比世界之旅」更令一眾少男少女心花怒放。
眾多懷舊玩具之中，有不少是來自收藏家Mark Tsang的藏品，他30年來收藏有3,000件麥當勞玩具，今次只展出當中一少部份，其中一套心頭好是變型鐵甲人。「表面看是食物，但其實可以變身為恐龍或機械人。」這套玩具在80年代尾90年代初推出，相信70後、80後應有印象吧。他的另一套經典收藏是101斑點狗系列，要儲齊一套絕不簡單，想必當年他也食過不少老麥吧！展覽之外，四位麥當勞樂園人物亦會在周末快閃現身，想野生捕獲童年回憶，就要記好時間啦！
麥當勞玩具樂園展覽
時間：即日起至7月17日
時間：上午11時至下午9時
地址：太古城中心二樓中庭及5樓
麥當勞樂園人物周末快閃
日期：7月2日、3日、9日、10日、16日、17日
時間：下午3時至4時
記者、攝影：劉東佩
