天下無不散之筵席，65歲教練迪保斯基雖然幫過西班牙贏世界盃同歐國盃，但今屆歐國盃16強止步後，周四就宣佈辭職；教咗狂牛八年嘅迪帥話，上年12月已經同足總主席講過，教埋今屆歐國盃咩成績都會離開，請辭唔係一時衝動。好多球迷話西班牙唔掂，內部不和係一大問題，特別係皇馬幫同巴塞幫之爭，但迪帥堅持隊內冇派系鬥爭，大家都一條心喎。不過，新帥人選未落實，就有傳西班牙想搵前巴塞隊長佩奧爾做技術總監，擺明想佢幫手𠱁掂巴塞系球員。