好鍾意自拍嘅梁齊昕，喺7.1呢個重要日子，點可以唔現身？當然，八方唔係喺7.1遊行隊伍見到佢，而係喺佢Instagram一解相思之苦。齊昕喺噚日下晝約四點半上載一張相（圖），講明正身處禮賓府，明顯想話畀大家知，佢冇去遊行（即係唔支持踢走689呢個主題），佢仲用App將佢同爸爸梁振英嘅樣整到大眼大面，仲整多幅眼鏡扮cute。
網民一見齊昕咁有興致，除咗叫佢快啲出嚟遊行，仲好唔客氣留言鬧爆梁振英，齊昕都好有孝心，刪晒鬧佢老竇嘅留言。其後齊昕再上載戴住太陽眼鏡嘅嘟嘴自拍相，仲話要送上條厚唇畀朋友，真係好重口味噃。