這天七‧一沙田日馬第一場「巴基之星」出閘大脫腳仍勝，上演驚人一幕，但第二場四班1000米，楊千嬅奶奶黃淑貞愛駒「野孩子」卻冇咁好彩，同樣漏閘卻跑尾二，賽後馬會曾就其出閘情況進行研訊，結果判沒有不公平出閘，馬迷投注冇得回水，並化為烏有。
「野孩子」今仗首次配人氣騎師女將蔣嘉琦，成為4.9倍熱門，有唔少捧場客，跑落卻好唔規矩，繼上仗後再一次起步大漏閘，未跑先輸，結果在14駒中跑第13名，賽後嘉琦BB扁晒嘴，更被練馬師容天鵬捉住講俄文，雙方都冇晒心機。而特意來打氣的楊千嬅丈夫丁子高，亦木無表情無奈抱B離場。