正喺牙買加參加奧運遴選賽嘅飛人保特不時返家鄉派錢，但試過因為有人攞唔到錢而打大交，結果當地警方叫佢以後都唔好咁做喎。矢志喺達成男子100米、200米同4x100米接力奧運三連霸嘅保特話：「每年12月我都會用自己啲錢幫有需要嘅人，大約係三萬美金，可惜引起咗好大混亂，我資助嘅學生俾攞唔到錢嘅人打。」不過，佢都搞咗個慈善基金幫啲基層後生仔，真係醒目。