【7.1大遊行】
【本報訊】特首梁振英本屆任期內最後一次7.1遊行，以「決戰689」為題，酷熱天氣無阻港人步伐。有市民難忍特首再添機場特權醜聞，對銅鑼灣書店事件龜縮懶理，首次加入遊行。祖籍山東威海市的谷先生稱，對有梁振英此同鄉引以為恥，昨下班後趕赴遊行。有市民盼明年7.1遊行毋須再喊「梁振英下台」，新特首Anyone But CY（ABC，除了梁振英外任何人）。
記者：潘柏林 梁佩珊
天文台昨在遊行出發前發出酷熱天氣警告，烈日下示威者仍高舉自製標語高呼「689下台！」李先生與友人以毛筆趕製數百示威紙牌派發，他批評梁振英歪理多過道理，「唔係辦事，係搞事亂事。」民間電台製作梁振英模型，貼上行李事件未交代，諷刺特首迴避機場使用特權的指控。有團體製作梁振英為頭像的不倒翁，大人、小朋友拳打腳踢發洩不滿。
遊行人士不滿梁振英過去一年表現。首次參加遊行的林女士直言，梁振英叫銅鑼灣書店失蹤者提供資料簡直「笑死人！」國泰空中服務員工會主席黎玉嬋昨亦參加遊行，她批評特首在行李事件有特權，令香港核心價值蕩然無存。陸先生總結特首4年施政，「 無論喺經濟上、政制上、民生上佢都一無事處，佢係一個害死香港嘅人。 」
「前梁粉」亦加入遊行，谷先生是梁振英山東威海同鄉，他指梁上任之初家鄉大鑼大鼓慶祝，自己亦引以為榮。但上任4年間屢爆醜聞，又以語言偽術掩飾過錯，「佢所做嘅一切例如收（UGL）幾千萬啊，我覺得對呢個人引以為恥！」他昨下班後趕赴遊行表態，「個個都唔嚟遊行，梁振英就好得戚。」
親政府團體「挑機」
港大法律系教授戴大為（Michael Davis）昨亦偕妻子參加遊行，他曾合組廿三條關注組，推動了2003年7.1遊行。他批評梁振英政府未捍衞港人的利益，擔心自身能否連任。戴大為指遊行非如部份本土派所指無用。他指中央政府正擔心失去港人信任，影響9月的立法會選舉結果。
親政府團體保衞香港運動昨在鵝頸橋向遊行隊伍「挑機」，出腳亂踢貼有泛民議員頭像的黃氣球，寓意9月立法會選舉中「踢走」泛民。有人不滿保衞香港運動的行動，上前遮擋標語，雙方口角，由現場警員調停。另一親中團體「珍惜群組」斥支持港獨的人是「契弟」，高叫「攞坦克車碌你都仲得！」
市民胡太指機場行李事件反映梁品格差劣，認為下任特首要「ABC」（Anyone But CY），「任何人都可以畀佢試，當然除咗做得唔好嘅梁振英。」黎先生更認為藝人黎明都比梁振英勝任特首。另一遊行人士阿華則說，小圈子選舉不變，林鄭月娥和曾俊華都難代表港人，「同一個框架下，點選都只不過係下一個梁特，我哋需要嘅係真普選！」
市民心聲
黎太太：
「梁特四年來冇做過啲乜，只係令社會越來越分裂，我唔想佢連任。」
谷先生：
「同佢（梁振英）係同鄉，當初佢上台我引以為榮𠵱家引以為恥。」
陸先生：
「無論喺經濟上、政制上、民生上佢（梁振英）都一無是處。」
王小姐：
「聽到林榮基出唔到嚟，我更加要出嚟遊行，梁振英冇得再連任。」
