【7.1大遊行】
【本報訊】九龍灣迷你倉大火慘劇發生至今近兩周，兩名消防人員捨身救人，市民仍感痛心難過。不少參加今年7.1遊行的市民，除表明要梁振英下台，也對政府一意孤行舉行慶祝酒會及有團體仍歌舞昇平感到失望及憤怒，更不滿梁在酒會前沒有默哀，認為對屍骨未寒的消防員不敬及分化社會。有市民直言：「其實應該降半旗，唔應該有升旗活動。」市民希望藉遊行哀悼兩名逝世消防人員，及要求政府查出真相，還兩人公道。
記者：陳沛冰 于健民
參與遊行的20歲大專生阿瑞表示，遊行除了希望多觀察不同政黨，作為9月立法會選舉投票的參考外，也希望藉遊行悼念兩名於上周迷你倉大火不幸逝世的消防人員。阿瑞說：「其實應該降半旗，唔應該有升旗活動。」其他團體繼續舉辦慶祝回歸活動，是不尊重死者。他批評政府於火災後表現被動，「冇條例規管迷你倉，政府到𠵱家仲未有行動，只係拖時間」。
質疑欠危機處理
第3次參加7.1遊行的大專學生阿Rod表示，今年初的旺角騷亂及社會一連串不公平事件，促使他再走上街頭。他希望藉遊行悼念兩名死亡消防人員，「如果大家都做好啲，消防員就唔需要死」。政府應徹查真相，為他們討回公道，「感覺咁樣犧牲有啲唔抵，可能制度上問題令佢哋走咗」。他說大火除揭示政府監管迷你倉不力外，迷你倉負責人及存放有問題物品的市民也要負責。
今年特意回港參加遊行的馮小姐也表示，梁振英管治下社會有很多問題，迷你倉大火再揭露政府欠缺危機處理能力；而且火災調查未完便舉行喜慶活動，「根本唔尊重兩位死咗嘅消防員……不過冇辦法啦，啲官（思想）就係咁」。她希望政府能早日查出大火原因，而非草草了事。
從未缺席7.1遊行的梁小姐對慘劇未能釋懷，她指過去一周社會已充份表達反對政府舉行慶祝回歸活動，但政府仍一意孤行舉行慶祝酒會，「社會環境已經唔好，𠵱家仲喺（大火後）搞酒會啦，真係會再將社會兩極化」。
註冊社工翁小姐表示，應於慶祝酒會對消防人員表達心意，如默哀一分鐘，「但佢（梁振英）連呢啲（默哀）都唔做，你可以睇到佢心意有幾多，好似話畀市民聽，『我連做都懶得做』」。另一社工劉小姐說，「消防處長黎文軒都因為呢件事而唔出席慶祝活動，佢（梁振英）作為leader，係咪要帶頭做多啲嘢呢？」
斥喪事當喜事辦
第5年參加7.1遊行的黃小姐表示，政府應體諒去世消防人員家屬的心情，取消酒會及慶祝活動，「過身兩個消防員，係兩條命，兩個家庭，仲有受傷消防員，租用迷你倉嘅市民都係受害者」，希望藉遊行悼念兩名消防人員。對兩名消防人員獲頒勳章，她指，「市民叫做就做，因為7.1，（政府）想安撫啲人，等唔好咁多人出嚟」。除迷你倉火災外，銅鑼灣書店等事件政府也應追究責任及查出真相，「好多事情香港市民都覺得政府應該畀個答案，只要有個腦都知要做」。
馮先生第6次參加7.1遊行，他斬釘截鐵做說遊行最大目的是「Anyone But CY」。他很關心迷你倉大火事件，「死咗兩個消防員，冇理由仲歌舞昇平」。李先生手持橫額關注迷你倉大火，他說政府頒勳章予消防處處長黎文軒，是「喪事當喜事辦」，他要求黎及梁振英立即問責下台。
市民心聲
黃小姐
「迷你倉大火同埋銅鑼灣書店事件等等，香港人都希望政府有交代，希望有朝一日有答案。」
阿瑞（大專生）
「其實今日應該降半旗，唔應該有升旗活動，其他團體慶祝7.1都唔應該。」
