雖然禾絲妮雅琪日前喺溫網首圈爆冷出局，但係呢位25歲丹麥靚女都唔使唔開心，因為佢向國際網球總會（ITF）上訴得直，可以出戰里約熱內盧奧運，仲有得做持旗手！禾琪四月因傷退出聯會盃，喺倫奧至里奧期間唔能夠為國打兩次聯會盃，ITF認為佢唔符合出戰奧運嘅資格，不過禾琪同丹麥網協上訴後，ITF決定畀佢打。